RC-Flieger Club Bayreuth e.V. - Silvesterfliegen 1977

RC-Flieger Club Bayreuth e.V.

Start Galerie Fluggelände Historie Termine Links

	Silvesterfliegen 1977

	Die Mittogszeit wor grod vorbei, da drudeln sechs am Deutes ei. Die Sicht wor net grod herrlich schee und vom Himmelfiel viel Schnee, drumm mußt ma alla groß und klaa, erscht nunter in die Hummelgmaa und schauten von der Seemansruh durchs Fenster naus dem Schneesturm zu. Als es dann a weng hört auf, fahrn ma gleich zum Deutes nauf. Unten ham ma schnell mit Krachen losglassen a poor scharfa Sachen. Dann sen ma nauf zu unserm Berch, durch tiefen Schnee, des wor a Gwerch. Mit zwaa Flieger untern Orm, wie ma drom worn, wors uns worm. Dann sennsa gflong, der Gerhard und der Peter a ruta Nosn und steife Finger hat a jeder, noch kurzer Zeit gehabt, des is klor, denn kolt wors scho am End vom olten Johr. Am Nunterweg da ham ma glacht und verschiednen B!ödsinn gmacht. P!ötzlich, wie halt werd so gredt, hot ana a Moß Bier dann g'wett. Und mit aner großen Ruh', ziecht er aus die Strümpf und Schuh. Für a Moß, do laaf ich nieber zu dem Mast und widder rieber. Wie des ham die annern ghert, ham so sich scho fast empert. Denn wenn mir ton so wos machen, bleim des kana halbn Sachen.	Und für weitere zwaa Moß'n, fall'n a nuch die longa Hos'n. Bloß na nuch mit Hemd und Slip is er zum Mast dann niebergstippt. Wie er zurück kummt sogt er gleich „Des wor fei schee, des sog ich eich." Und er bleibt a bißla steh, um ihm rum do schmilzt der Schnee, Denn die Fieß senn jetzt ganz haaß, Leitla des wor eich a Spaß. Dreimol derf jetzt rot'n jeder, wer des wor, na?: Der Progscha Peter! Desselbe is dann nuchmol gschäng, a die annern Leit ham's g'säng. Später dann im Wärtshaus drunt'n noch so etlichn Moßkrugrund'n. Und es wor genau so teier, bloß na desmolwors der Meier, der riebern Hof und durch den Garten unbedingt wollt borfaß starten. Später dann, leicht trüb der Blick, ham ma uns die Händ gedrückt und ham g'sogt des wor fei schee, trotz wenig Leit und orchviel Schnee. Und alla stimmten dann mit ein in die Losung für den Verein: „Wenn des neia Johr geht oo und die Korken machen Blubb, Denk ma alla ganzfest dro: lang leb der RC-Fliegerclub!"



	Den Download des Gedichtes als PDF gibt es hier

Ohne_Titel_1